Æвзарынц сæ тыхтæ кафты æмæ зарды

Æппæтдунеон кафты боны агъоммæ РЦИ-Аланийы Культурæ æмæ дзыллон-информацион фæрæзты министрады Республикон адæмы сфæлдыстады центр расидт æркаст-конкурс саразынмæ. Уым архайдзыс-ты адæмон кафты æмæ зарды бафæзминаг ансамбльтæ, цæмæй та бахъахъхъæной сæ кадджын ном «Адæмон». Уым ма куыд ивгъуыд азты, афтæ абон дæр æнувыдæй архайдзысты, йе сфæлдыс-тадон куысты уæлвæзад уыцы ном хæссыны аккаг чи суа, уыцы коллективтæ.

Æркасты сæйраг нысантæ, хæстæ:

бахъахъхъæнын ирон кафты бындур æмæ аивадон æгъдауæй йæ ирд традицитæ;

– æргом здæхт уыдзæн балетмейстерты профессионалон архайдмæ æмæ фольклорон бындурыл арæзт, адæмы зæрдæтæм хæстæг æвæрд хореографион нывтæм;

– æркасты архайдзысты республикæйы æппæт хореографион ансамбльтæ;

– алы кафты ансамбль дæр хъуамæ равдиса 4–5 концертон программæйы, уыдонæй иу кафт хъуамæ æнæмæнг уа хæсты темæ-йыл æвæрд;

– бафæзминаг репертуары та хъуамæ уа кафт скъолайы ахуыры азты цардæй.

Жюрийы хатдзæгтæм гæсгæ кафты ансамбльтæй æркасты хæстæ æмæ домæнтæ дызæрдыггаг кæмæн сты, уыдонæй кадджын ном «Адæмон» лæвæрд æрцæу-дзæн, уый аккаг йæхи чи равдиса, уыцы адæмон кафты ансамбльтæн.

Æркаст-конкурс алы районы дæр ацæудзæн сæрмагонд графикмæ гæсгæ. Зæ-гъæм, Мæздæджы районы 31 мартъийæ 18 майы онг.

Дзæуджыхъæуы коллективты аивадон разамонджыты хъæппæрисæй æркасты архайдзысты ансамбльтæ: «Ирыстон», «Амонд», «Терек», «Дети гор», «Молодость Осетии», «Маленький джигит», «Осса», «Сюрприз», «Владикавказские аланы».

Республикон æркаст-конкурс бацæттæ кæныныл арфæйаг фæллой бакодта Центры адæмон сфæлдыста-ды хайады ирон хореографи-йы сæйраг методист балет-
мейстер Гасситы Хъауырбег.

Зынаргъ газеткæсджытæ, аивадуарзджытæ! 31 мартъийæ суанг июны мæймæ уæ хъус дарут телерадиокомпани «Алани»-йы хъусынгæнинæгтæм, уым уыдзæн æркаст-конкурсты тыххæй хъæугæ информаци. Мах та уæ рæстæгæй-рæстæгмæ зонгæ кæндзыстæм æркаст-конкурсы сæрмагонд графикы бонтимæ.

 

ГÆБУТЫ Зоя,
РЦИ-Аланийы æмæ УФ-йы культурæйы сгуыхт кусæг